|
|
|
|
08-05-2008, 02:38 AM
|
||||||||||||||||||
|
||||||||||||||||||
امثال مكاويه وحجازيه
زي كنيس ام عثمان , تكنس الوسط وتسيب الاركان حتى الخنفسان سارلو لسان عميه تحفف مجنونه, تقولها حواجبك سود ومقرونه مين شايفك ياللي في الظلام تغمز , انت قمري والا حمار بترفز دخانك عماني و اكلك ماجاني ياطير طاير في السما قول لأم العريس عساكي العمى راحت رجال الهيبه وبقيت رجال الخيبه إذا أبوك البصل وأمك التوم من فين تجيب الريحه يا مشؤوم مالي على فراقك جلد إلا هجاجي من البلد ياريتنا انكسرنا ولا بيك انتصرنا الزقاق ضيق والحمار رفاز عقله زي الكيلون كلمه توديه وكلمه تجيبه القدر قال للمغرفة ياسوده ومعجرفه قالت كلنا عيال مطبخ حلم البساس كله فيران لاقدرك يغلي ولامقلاتك تقلي وانا زليت عليك من قلة عقلي قال ياحلاق شعري ابيض و لا اسود قال دحين ينزل قدامك وتشوفه مكسحه وتقول للصايغ تقل الخلخال اعمى قال للاطرش خلينا نشوفك زي الحلاق يضحك على الاقرع بطقطقة المقص زي قبور اليهود بياض وقلة رحمه قبل ما خطب عبا الحطب وقال احط الكوانين فين زي القنفد لا ينحضن ولا ينباس زي اباريق المسجد كلها شكل واحد قال لفرعون ايش فرعنك قال مالقيت احد يردني فقير اتجوز فقيرة خلفوا وجع القلب خاتم بفصو وكل شيء ترصوا خشوني لاتنسوني ولعوا الشمعة وشوفوني اهري وانكتي ياجارة وأنا ثابتة زي العمارة الصرمة والقبقاب صاروا أصحاب يا داق الموية في المهراس يا مربي وليد الناس كل عيش البخيل ولا تأكل عيش المنان أدب ولدك وان زعلت امه ستي شوفيني من عينك لا ترميني أكلوا الملوخية وصاروا أفندية لمن كنا ما كانوا ولمن رقدنا قاموا ما يعجبك العجب ولا الصيام في رجب قالوا متى طلعت القصر قالوا أمس العصر يقطع الخل عالخردل على بياع المخلل جينا نحني الخيل مدت الخنفسانه رجلها جبت الأقرع يونسني كشف قرعته وخوفني دجاجه تكاكي عندنا وتبيض عند الجيران ما يجي الغنج الا عند الحمير العرج داخل مع بيت العروسه نادر مع بيت العريس دلع الكبار زي الشقدف على الحمار من محبته في عبيدو جعل العمر والرزق بيدو. اللي يشوفني بعين اشوفوا باتنين. اللي ماله ام حاله يغم. كنس بيتك ورشو ماتدري مين يخشوا. كل حبة سوداء ولها كيال اعور قلبى على ولدي انفطر وقلب ولدي عليا حجر. .روح ياناكر خيري بكرة تشوف زماني من زمن غيري اذا تعاندوا الحمير يا بخت الركاب على قد زيتو سرجلو الخايبة تتعلق بالحبال الدايبه خدي الأصيل ولو على الحصير حرة صبرت في بيتها عمرت جوز أمي أقولوا ياعمي طاعة النسوان ندامة عقربة في الغار ولا ضُرة في الدار إذا جيت رايح كتر من المدايح و إذا جيت رايح كتر من الفضايح اذا حلقوا لغيرك بل راسك واستنى أكفي القدره على فمها تطلع البنت لأمها ايش عرف الحمير بأكل الجنزبيل البيض الفاسد يدحرج على بعضه بعد ما اكل واتكا قال ريحته مستكا حاجة ما تهمك وصي عليها جوز امك الحر من غمزة والحمار من رفزه حمار الحكومة حكومة رجعت حليمة لعادتها القديمة ست وجاريتين على قلي بيضتين ما لقيو في الورد عيب قالو أحمر الخدين أعطي العيش لخبازه ولو اكل نصه أعمى ويلضم خرز امل ابليس في الجنة البيضه ما تداقش حجر حبيبك يمضغ لك الزلط وعدوك يقعد لك الغلط حمارتك العرجة تغنيك عن سؤال اللئيم خطبوها اتعززت تركوها اتندمت مصطلحات حجازية قوام = بسرعة حُقْ = علبه بلكن = يمكن مصرفدة = مستعجلة دولا أو دُولْ = هؤلاء أو هم أمزع رقبتك = أخلع رقبتك داير مايدور = حولين الشيء دغري = على طول امصع أدنك = يعني أجرها مخمج = معفن جغمه = شفطه من الشراب وي = للتعجب الدحديرة = النزلة ناوليني = أعطيني ازهميلي= نادي لي زنبيل = الكيس دحين = الآن يا واد = ياولد الصمرقع = الجنان وخرلو = ابتعد عنه اترينو= غصبنوا = عشان كده سكر المحل = قفل اشبك = ماذا بك سيبوا = اتركوه بسط المحل = فتح أندر = اخرج أفرشك فرش = أضربك ضرب خوتني = طفشني جبلي الصداع افتر= اهجد عساك بالطافوح = عساك بالسم توايق = تطالع حزر = توقع شطيطة = تصغير شطه قصرو = اختصار الشيء أو الزبدة محزقر= ضيق ضرحرح = التعب أو القرف منك ايشكلو = إيش هوا دحلسة= تملق وتقرب لأخذ شئ ما قنله = تنوره كُرته = فستان زي البرمان = بسرعه قرينه = جنيه كندره = صرمه = جزمه ورمت وبقبقت = بعيد عنكم أتنفخت أتعتع = أتحرك عازه = حاجه مزبرقة = مزينة أستكري تكسي= أستاجر تكسي بطران = ما يحمد ربه الهجاج = الجنان يحقلو = يحق له تليك = مداس يبكشوا = يكدبوا زهمني = ناداني طراحه = ليانه = فرشة = فراش لطشتوه = ضربتوا حلنّي أو استنيني = يعني موت ياحمار بوز = فم اتلبخت = ارتبكت أو أنشغلت مقرحف = ناشف اتشعبط = أتسلق الدويان = الأدوية أهبط = قر = اقعد عاقل دلكي النحاس = غسلي الصحون شبطة = لصقة متاقه = مجاغه = واحد دمه ثقيل حُق المناديل = علبة المناديل خِف = قوامن = أستعجل في قلب العدو = تقال عند ذكر أمر سيء والله عال = عجيب بحلقت = فتحت عيني بقوة اتاري = لها معنيين الأول كمبيوتروالتاني لما يقولك آآآآآه اتاري الهرجه كدااا صُكّر = سكر خمشتوا = قرصتوا = لميتوا كونديشن = مكيف فارقي= انقلعي= روحي باينلو = باين عليه كدش = الشعر الكثيف المخربط مخدة = وساده ما بلعتو من زور = ما عجبني جلاله = سجادة اتقيت = لقيت استيته = الأخت الكبرى بكرج = براد الحليب سيدى = الأخ الأكبر أقيد الرقم = اسجله متصربع = مستعجل مرعته = يعني زادت أمه في دلعه الحبرتي = الحونشي = الأهيم ما صفطناكم = ما شبعنا منكم ليانه= طراحه = فراش رجه = صقعه زي الملوينه = حركته كثيرة كراويته= زي البطرمبة من خشب و مرتفعة غيرت حجر الساعة = يعني غيرت بطارية الساعة يستغر = يعتمد برمان = دوران داعتو = أشوى أو أحسن أديلو علقه = افرشوا = عاقبه الكرباج = السوط أتلحف = أتغطى بالبطانية 
|
||||||||||||||||||
|
08-05-2008, 02:14 PM
|
||||||||||||||||||
|
||||||||||||||||||
رد: امثال مكاويه وحجازيه
يسلمووو يالغلا ع الطرح
عسأأاج عالقوة نتريى اليديد
|
||||||||||||||||||
 |
| مواقع النشر |
| الكلمات الدليلية |
| مكاويه , امثال , وحجازيه |
| أدوات الموضوع | إبحث في الموضوع |
| انواع عرض الموضوع | |
|
|
LinkBacks (?)
LinkBack to this Thread: http://www.n-bh.net/vb/f19/caeca-asscaeia-aeiicoia-17.html
|
||||
| أرسلت بواسطة | For | Type | التاريخ | |
| منتديات نوارس البحرين | This thread | Refback | 09-05-2008 09:39 PM | |
|
|
العرض العادي
